स्थानीय तह
‘रिभल्भिङ फण्ड’ मार्फत् विद्यार्थीलाई प्राविधिक शिक्षामा जोड दिने सुन्दरहरैंचाको योजना (नगर स्थापना दिवस विशेष ४)
विराटचोकः सुन्दरहरैंचा नगरपालिकाले सुकुना मावि र साजीलाल माविमा सिभिल इन्जिनियरिङको पढाइ सकेपछि थप अध्ययन गर्ने निम्न आय भएका विद्यार्थीलाई ‘रिभल्भिङ फण्ड’ मार्फत् सहयोग गर्ने भएको छ ।
त्यस्ता विद्यार्थीलाई उर्लाबारीमा रहेको मदन भण्डारी स्मृति प्रतिष्ठान उर्लाबारीमा अध्ययन गर्नको लागि आर्थिक सहयोग गर्ने र सो सहयोग रकम विद्यार्थीले अध्ययन सकेर जागिर खाएपछि किस्ताबन्दीमा तिर्नुपर्ने व्यवस्था शुरु गर्न लागिएको नगरको भनाइ छ । पूर्वाञ्चल विश्वविद्यालयसँगको साझेदारीमा भेटेनरी र एग्रीकल्चर विषय ल्याउने तयारी भइरहेको नगरप्रमुख शिवप्रसाद ढकालले जानकारी दिए ।
सामुदायिक विद्यालयको गुणस्तर सुधार्न विद्यालयबीच समायोजन
सुन्दरहरैंचामा शिक्षा निकेतन मावि सलकपुरमा सूर्याेदय मावि पहिलो पटक १ वर्ष अघि समायोजन भएको हो । सरकारले विद्यालय समायोजनको नीति ल्याउनुपूर्व नै यी विद्यालय समायोजन भएका थिए । त्यसपछि सरकारले समायोजन गरेका विद्यालयलाई १० लाख रुपैयाँ अनुदान दिने नीति ल्याएपछि अन्य विद्यालय पनि मर्ज भएका छन् । शिक्षा निकेतनका प्रधानाध्यापक ठाकुर सुवेदीका अनुसार अनुदानको १० लाख रुपैयाँ पाउनको लागि अन्तिम सम्झौता हुने तयारी भएको छ । सो विद्यालयले आफूमा एकीकरण भएको सूर्याेदय आधारभूत विद्यालय भएको स्थानमा नयाँ भवन बनाइरहेको छ । सो भवनमा कक्षा ११ र १२ को पढाइ गर्ने तयारी भएको विद्यालयको भनाइ छ ।
नगरपालिकाको शिक्षा शाखाका अनुसार ६ वटा विद्यालयमा ७ वटा विद्यालय समायोजन भएका छन् । विद्यालय समायोजनको लागि निवेदन, अभिभावक भेला र विद्यालय व्यवस्थापन समितिको निर्णयको प्रतिलिपि र वडाको सिफारिश ल्याएपछि समायोजनको प्रक्रिया अघि बढ्छ ।
वडा नम्बर २ को श्री मावि मृगौलियामा २ वटा विद्यालय मर्ज भएका छन् भने सुकुना मावि, साजिलाल मावि, जनता मावि बुधबारे, जनता मावि हरैंचा र शिक्षा निकेतनमा एकएक वटा विद्यालय मर्ज भएका छन् ।
मर्ज भएका विद्यालयलाई खेलकुद सामग्री, गार्डेनिङका सामग्री नगरपालिकाले उपलब्ध गराउने गरेको छ । त्यसका साथै जनता मावि बुधबारे र ज्योति माविलाई चारचार कोठे भवन निर्माणका लागि बजेट विनियोजन गरेको नगरप्रमुख ढकालले बताए । डिजिटल बोर्ड व्यवस्थापनका लागि सहयोग गरिरहेको उनको भनाइ छ ।
सुकुना बहुमुखी क्याम्पसलाई एउटा क्याम्पस बस दिने तयारी गरिरहेको नगरपालिकाले सुकुना माविमा इञ्जिनियरिङ कलेज सञ्चालन गर्ने तयारी गरेको छ । हाल सुकुनामा कक्षा ९ देखि १२ सम्म सिभिल इन्जिनियरिङको पढाइ हुने गरेको छ ।
सम्बन्धित समाचारहरुः
नगर गौरवका योजनाअन्तर्गत पर्यटकीय क्षेत्रमा काम गर्दै सुन्दरहरैंचा (नगर स्थापना दिवस विशेष २)
फलफूल र बीउबिजनमा नगरलाई आत्मनिर्भर बनाउँदै सुन्दरहरैंचा (नगर स्थापना दिवस विशेष १)
Banner
रवि लामिछाने आफ्लै भनेका थिए-म अमेरिकाबाट रित्तो हात फर्किएको हुँ।मैले बच्चालाई मासिक रुपमा नेपाल बाटै अमेरिका पैसा पठाउँन पर्छ।पैसा त रविलाई पनि चाहिएकै हुन्छ।उनी पनि कुनै अर्बपती त होइनन्।
Banner
ट्राफिक प्रहरी हत्या प्रकरण : यी हुन् पक्राउ परेका १३ वर्षीय बालक सहित ७ जना
काठमाडौँको दरबारमार्गस्थित ट्राफिक प्रहरी प्रभागमा कार्यरत प्रहरी जवान युवराज घिमिरेको हत्या आरोपमा प्रहरीले १३ वर्षीय बालकसहित ७ जनालाई पक्राउ गरेको छ। घिमिरेको शव काठमाडौँको तारकेश्वर-९ स्थित मनमैजुमा गत शुक्रबार फेला परेको थियो।
उनको हत्यामा संलग्न आरोपमा पक्राउ परेकाहरूलाई जिल्ला प्रहरी परिसर काठमाडौँले आइतबार पत्रकार सम्मेलन गरी सार्वजनिक गरेको हो। उनीहरूलाई काठमाडौँ महानगरपालिका-१६ स्थित अष्टनारायण हलपछाडि र बाइसधाराको जंगलबाट भाग्न लागेको अवस्थामा हवाई फायर गरी पक्राउ गरिएको प्रहरीले जनाएको छ।
पक्राउ परेका ७ जनामध्ये एक जना १३ वर्षीय बालक रहेको जिल्ला प्रहरी परिसर काठमाडौँ प्रहरी प्रमुख एसएसपी वसन्त रजौरेले जानकारी दिए।
उनका अनुसार भक्तपुर चाँगुनारायण-१ घर भएका २१ वर्षीय आइते भन्ने सचिन परियार, नुवाकोट दुप्चेश्वर गाउँपालिका घर भएका १८ वर्षीय अञ्जली श्रेष्ठ, स्याङ्जा आँधीखोला गाउँपालिका-३ की २१ वर्षीया विपना/वसन्ती भनिने वसुन्धारा कार्की, , स्याङ्जा आँधीखोला गाउँपालिका-३ कै ५६ वर्षीय नुनमाया कार्की, नुवाकोट तादी गाउँपालिका, ओखरे घर भएका २१ वर्षीय बुद्ध लामा तामाङ, सिन्धुपाल्चोक इन्द्रावती गाउँपालिका-१ का ३० वर्षीय अमृत तामाङ र उदयपुर घर भएका १३ वर्षीय बालकलाई पक्राउ गरिएको हो।
बालकको पहिचान भने प्रहरीले गोप्य राखेको छ। प्रारम्भिक अनुसन्धानमा लुटपाट, महिलासँग विवादलगायत कारण प्रहरी घिमिरेको हत्या भएको पाइएको प्रहरीले जनाएको छ।गत बिहीबार ड्युटी सकेर कार्यालयबाट निस्किएका प्रहरी जवान घिमिरेको शव गत शुक्रबार मनमैजुमा भेटिएको थियो। शुक्रबार अपराह्न स्थानीयले शव देखेपछि प्रहरीलाई खबर गरेका थिए। प्रहरीका अनुसार खोटाङको दिक्तेल रुपाकोट मझुवागढी नगरपालिका-१ घर भएका घिमिरे सामाखुसीमा डेरामा बस्थे।
Banner
विश्व उच्च रक्तचाप दिवसको अवसरमा नोवेलको प्रभातफेरी
विराटनगर । विश्वभर आजको दिन अर्थात मे १७ मा विश्व उच्च रक्तचाप दिवस मनाइने गरिएको छ । उच्च रक्तचापको जोखिम, यसलाई रोक्न अपनाउनु पर्ने विधी सम्बन्धी जनचेतना फैल्याउने उद्देश्यले यो दिवस मनाइने गरिएको हो ।
उच्च रक्तचाप सम्बन्धी जनचेतना फैल्याउने उद्देश्यले विराटनगरमा रहेको नोवेल मेडिकल कलेज टिचिङ्ग हस्पिटलले आज महेन्द्रचोकबाट तिनपैनीसम्म प्रभातफेरी गरेको छ ।
नोवेल मेडिकल कलेज टिचिङ्ग हस्पिटलका अस्पताल निर्देशक तथा बरिष्ठ मुटुरोग विशेषज्ञ प्रा. डा. राजेश नेपालले विराटनगर महानगरपालिका मेयर नागेश कोइरालालाई खादा र फुलको गच्छाले स्वागत गरे पछि सुरु भएको प्रभातफेरी कार्यक्रममा नोवेलका चिकित्सक, कर्मचारी, रेजिडेण्ट चिकित्सक, इन्टर्न चिकित्सक र विद्यार्थी,समाजसेवी लगायतको सहभागिता रहेको थियो ।
महेन्द्र चोकबाट सुरु भएको प्रभातफेरी तिनपैनी चोकमा पुगेर समापन भएको थियो । समापन कार्यक्रममा प्रा. डा. राजेश नेपालले विश्व उच्च रक्तचाप दिवसको बारेमा प्रकाश पारेका थिए । विराटनगर महानगरपालिकाका मेयर नागेश कोइरालाले उच्च रक्तचाप सम्बन्धी जनचेतना फैल्याउने उद्देश्यले नोवेलले गरेको प्रभातफेरी प्रति डा. राजेश नेपालसहित नोवेल टिमलाई धन्यवाद व्यक्त गरेका थिए । मन्तव्य व्यक्त गर्दै उनले विराटनगर महानगरपालिकाले पनि जनचेतना मुलक कार्यक्रमहरुमा सहकार्य गर्ने बताए ।
विश्व भरिनै मानिसको मृत्युको प्रमुख कारणहरु मध्ये उच्च रक्तचाप एक नम्बरमा रहेको छ । मानिसको बदलिदो दैनिकी, खानपान, पर्याप्त मात्रामा नसुत्ने र तनावयुक्त जीवनले उच्च रक्तचापको जोखिमलाई बढाउने गरेको छ । नेपालको सन्दर्भमा हरेक चार जना मध्ये एक जनालाई उच्च रक्तचाप रहेको पाइएको छ । उच्च रक्तचापको कारण हृदयघात, मस्तिष्कघात हुने, शरीरको विभिन्न अङ्गमा समस्या आउने, हातखुट्टाका नशाहरु बन्द भएर अङ्गभङ्ग हुने, आँखाको दृष्टी कम हुने, मृगौलामा समस्या आउने, यौन दुर्वलता हुने जस्ता विभिन्न समस्याहरु आउने गर्दछ । नियमित रुपमा रक्तचाप नाप्ने गरिएमा उच्च रक्तचाप भए नभएको वा औषधी सेवन गरी रहेका व्यक्तिहरुको रक्तचापको अवस्था थाहा पाउन सहज हुन्छ र समयमा नियन्त्रण गर्न सकिन्छ । त्यसैले यस बर्षको विश्व उच्च रक्तचाप दिवसको नारा पनि “तपाईको रक्तचाप सही ढंगबाट नाप्नु होस् । यसलाई नियन्त्रण गर्नुहोस् र दीर्घायु बन्नुहोस् ।” भन्ने रहेको छ ।
-
अर्थ5 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
Pingback: स्वास्थ्यको क्षेत्रमा यसरी अघि बढ्दैछ सुन्दरहरैंचा नगरपालिका (नगर स्थापना दिवस विशेष ५) - निष्प